Türkmenistanyň Beýik Britaniýadaky hem Azerbeýjandaky ilçisi bolup işlän Çaryýew Myrat Baltaýewiç şu gün agyr keselden soň 59 ýaşynda aradan çykdy. Bu barada onuň hossarlary Azatlyk Radiosyna habar berdi.
1951-nji ýylda doglan Myrat Çaryýew Türkmen döwlet pedagogiki institutynyň Iňlis dili fakultetini tamamlap, 1990-njy ýyllardan soň hökümet işlerinde işledi.
Türkiýede we Ysraýylda ilçi bolup işlän Nurmuhammet Hanamow, Myrat Çaryýewi şeýle ýatlady: “Myrat Çaryýew guramaçy, işeňňir, gaty aktiw adamdy. Yzy ýarasyn, çagalaryna sabyr bersin.”