Türkmen häkimiýetleriniň maý aýynda mikroawtobuslarda ýolagçy gatnatmaga girizen gadaganlygy, aşgabatly bazar resmisiniň tassyklamagyna görä, Aşgabadyň esasy Jygyllyk bazaryndaky söwdanyň peselmegine getiripdir.
Ýerli çeşmeler «marşrutkalar» diýilýäniň gadaganlygy netijesinde, ilki bazaryň ýolunda adamlaryň «ekilen agaç» ýaly köp bolandygyny, emma soň kösenip, bazara gitjek bolýanlaryň azalandygyny, bazardaky alyjylaryň selçeňländigini aýdýarlar.
Azatlyk radiosy bu ýagdaý barada ýerli synçy Nurberdi Nurmämmedow bilen söhbetdeş boldy.
